ინგრედიენტები

9 ფენა ფილოს ფირფიტა

500 გ ნაირფერი ჩერი

140 გ კრემყველი

140 გ იმერული ყველი

1 პატარა კვერცხი

მარილი, ორეგანო, პილპილი გემოვნებით

80 მლ ზეითუნის ზეთი

1 ს.კ. სეზამის მარცვლები 

მომზადების ინსტრუქცია

გააცხელეთ ღუმელი 190 გრადუსზე.

ჩერი პომიდვრები გაჭერით შუაზე.

ჯამში აურიეთ კრემყველი, გახეხილი იმერული ყველი, კვერცხი და სანელებლები.

საცხობ ქაღალდზე დააფინეთ 2 ფენა ფილოს ფირფიტა, გადაუსვით ზეითუნის ზეთი, დააფინეთ შემდეგი ფირფიტა და ასე გააგრძელეთ სანამ ცხრავეს არ გაალაგებთ. 

ენტრში გადაიტანეთ ყველის მასა და გაანაწილეთ დაახლოებით 20 სმ-ზე. დააწყვეთ ჩერი პომიდვრები წრიულად, მოაყარეთ მარილი, ორეგანო და პილპილი, მოასხით ცოტაოდენი ზეთიც, შეუკეცეთ გვერდები და მოაყარეთ სეზამის მარცვლები სურვილისამებრ.

გამოაცხვეთ 25-35 წუთი ან ვიდრე ცომი ოქროსფრად არ მოიბრაწება.